Árið 2020 er tímamótaár í starfsemi Hnits verkfræðistofu hf. sem fagnar 50 ára afmæli, en fyrirtækið var stofnað árið 1970. Um sögu Hnits má lesa nánar hér.
Hnit verkfræðistofa hf. hefur haft að leiðarljósi að víkka sjóndeildarhringinn og nýta sér þau sóknarfæri sem gefast á hverjum tíma, en umfram allt að skila góðum verkum. Starfsemin er háð aðstæðum í efnahagslífinu á hverjum tíma og sífellt eru settar auknar kröfur á starfsemina, samhliða því sem samkeppni á útboðsmarkaði verður harðari. Það er fyrst og fremst starfsfólki að þakka að stofan dafnar og ég þori að fullyrða að hún hefur gott orð á sér meðal verkkaupa okkar. Það orðspor munum við varðveita og bæta enn frekar.
50 ár er stór áfangi fyrir okkur öll, sama hve lengi við höfum starfað hjá Hnit verkfræðistofu hf. Við ætlum að fagna honum saman í starfi og leik á árinu. Við munum fagna þeim mannauði sem stofan hefur yfir að ráða, við munum minnast þeirra félaga sem hafa komið að tilurð og vexti stofunnar og við munum einnig fagna þessum áfanga með velunnurum stofunnar á viðeigandi vettvangi. Nánar um það síðar.
Á afmælisári munum við skarta nýju afmælismerki og er það frumsýnt hér með þessum pistli. Við fögnum afmælisbarninu og vonum að það dafni um ókomin ár.
Kristinn Guðjónsson, framkvæmdastjóri
Hnit verkfræðistofa í 50 ár
_
