GÆÐASTEFNA 

Hjá Hnit Artelia leggjum við metnað okkar í að skila faglegri og áreiðanlegri þjónustu sem uppfyllir væntingar viðskiptavina og annarra hagsmunaaðila. Með fagmennsku, samvinnu og stöðugri þróun vinnum við að því að skila lausnum sem skapa verðmæti fyrir viðskiptavini okkar og samfélagið. Við skuldbindum okkur til að uppfylla kröfur viðskiptavina, laga og reglna, vinna eftir skilvirku gæðastjórnunarkerfi og leita stöðugt leiða til umbóta. Til að styðja við það leggjum við áherslu á eftirfarandi:

• Við vinnum eftir skýrum og traustum verkferlum sem styðja starfsfólk okkar við að sinna verkefnum af öryggi, fagmennsku og samræmi. Með því að þróa og viðhalda vottuðu gæðastjórnunarkerfi tryggjum við að þekking, reynsla og góð vinnubrögð nýtist á sem bestan hátt í allri starfsemi fyrirtækisins. Jafnframt tryggjum við að starfsemi okkar uppfylli viðeigandi kröfur viðskiptavina, laga, reglna og annarra skuldbindinga sem fyrirtækið hefur undirgengist.

• Við byggjum upp traust með gæðum í hverju verkefni. Starfsfólk okkar leggur sig fram um að skilja þarfir viðskiptavina, eiga góð samskipti og standa við skuldbindingar. Með því sköpum við lausnir sem uppfylla væntingar, styrkjum langvarandi samstarf og aukum ánægju og traust viðskiptavina.

• Við undirbúum verkefni af kostgæfni og tökum upplýstar ákvarðanir. Með vandaðri áætlanagerð, markvissri framkvæmd og öflugri fagþekkingu vinnum við að því að finna bestu og hagkvæmustu lausnirnar fyrir hvert verkefni. Þannig stuðlum við að stöðugum árangri og leggjum grunn að því að gæðamarkmið fyrirtækisins náist.

• Við tökum öll þátt í gæðastarfinu. Hvert framlag skiptir máli og við hvetjum starfsfólk til að sýna frumkvæði, miðla þekkingu, læra hvert af öðru og koma með hugmyndir að umbótum. Þannig byggjum við upp menningu þar sem gæði eru sameiginleg ábyrgð allra og sífelld þróun hluti af daglegum störfum.

• Við leitum stöðugt leiða til að verða betri. Með því að meta árangur okkar, læra af reynslunni og þróa gæðakerfið áfram sem hluta af heildstæðu stjórnunarkerfi styrkjum við vinnuumhverfið, eflum árangur fyrirtækisins og vinnum markvisst að stöðugum umbótum á gæðastjórnunarkerfinu og þjónustu okkar.

 

 

UMHVERFISSTEFNA

Hjá Hnit Artelia viljum við leggja okkar af mörkum til sjálfbærrar þróunar með ábyrgum starfsháttum og umhverfisvænum lausnum. Við gerum okkur grein fyrir að starfsemi okkar hefur áhrif á umhverfið og leggjum áherslu á að starfsfólk okkar hafi þekkingu, verkfæri og stuðning til að taka upplýstar ákvarðanir í daglegum störfum. Við skuldbindum okkur til að vernda umhverfið, uppfylla bindandi kröfur og vinna markvisst að stöðugum umbótum á umhverfisstjórnun okkar. Til að styðja við það leggjum við áherslu á eftirfarandi:

 

• Við eflum umhverfisvitund starfsfólks okkar. Við leggjum áherslu á að starfsfólk þekki umhverfisáhrif starfseminnar og skilji hvernig daglegar ákvarðanir og vinnubrögð geta stuðlað að betri árangri í umhverfismálum og ábyrgri nýtingu auðlinda.

• Við vinnum markvisst að því að lágmarka neikvæð umhverfisáhrif og vernda umhverfið. Við leitum sífellt leiða til að bæta verkferla, draga úr sóun, nýta auðlindir af ábyrgð og taka umhverfissjónarmið með í ákvarðanatöku okkar í rekstri og verkefnum.

• Við uppfyllum lög, reglur og aðrar bindandi kröfur sem varða umhverfismál. Með faglegum og ábyrgum vinnubrögðum tryggjum við að starfsemi okkar sé ávallt í samræmi við þær kröfur og skuldbindingar sem gilda um fyrirtækið.

• Við vinnum með viðskiptavinum og samstarfsaðilum að sjálfbærum lausnum. Við virðum umhverfismarkmið þeirra sem við störfum með og leitum lausna sem taka mið af umhverfisáhrifum, samfélagsábyrgð og langtímahagsmunum komandi kynslóða.

• Við leitum stöðugt leiða til að bæta árangur okkar í umhverfismálum. Með reglulegu mati, endurskoðun og umbótum þróum við umhverfisstjórnunarkerfið áfram og styrkjum getu fyrirtækisins til að stuðla að sjálfbærari starfsemi og betri árangri í umhverfismálum til framtíðar.

 

 

JAFNRÉTTISSTEFNA

Við hjá Hnit Artelia trúum því að fjölbreytileiki, jafnrétti og gagnkvæm virðing séu meðal mikilvægustu styrkleika fyrirtækisins. Við viljum skapa vinnustað þar sem allt starfsfólk fær jöfn tækifæri til að njóta sín í starfi, þróa hæfni sína og taka þátt í að móta árangur fyrirtækisins. Við teljum að sanngirni, gagnsæi og fagmennska í mannauðsmálum stuðli að aukinni starfsánægju, betra vinnuumhverfi og auknum árangri fyrir viðskiptavini okkar.

Við skuldbindum okkur til að tryggja jöfn laun fyrir sömu eða jafnverðmæt störf, að allar launaákvarðanir byggist á málefnalegum forsendum og að starfshættir fyrirtækisins samræmist gildandi jafnréttislögum. Við stuðlum að stöðugum umbótum í jafnréttis- og mannauðsmálum fyrirtækisins. Til að styðja við það leggjum við áherslu á eftirfarandi:

​

• Við tryggjum jöfn laun fyrir sömu eða jafnverðmæt störf. Laun og önnur starfskjör byggjast á samræmdu og málefnalegu mati. Kyn eða aðrir ómálefnalegir þættir skulu aldrei hafa áhrif á launaákvarðanir.

• Við uppfyllum kröfur laga um skýrslugjöf um kynbundinn launamun. Við söfnum og vinnum þau gögn sem nauðsynleg eru til að sýna fram á að launakerfi fyrirtækisins tryggi launajafnrétti og tökum þátt í því eftirliti og þeirri upplýsingagjöf sem lög kveða á um.

• Við byggjum ráðningar, launaákvarðanir og framgang á hæfni og verðleikum. Við horfum til menntunar, þekkingar, reynslu og frammistöðu í starfi og tryggjum jafnræði í öllum mannauðsferlum fyrirtækisins.

• Við tryggjum jöfn tækifæri til starfsþróunar og framgangs. Allt starfsfólk skal hafa jafnan aðgang að endurmenntun, þjálfun, nýjum verkefnum og þróunartækifærum óháð kyni eða öðrum persónubundnum þáttum.

• Við tökum ekki undir neina mismunun. Við vinnum markvisst að því að skapa vinnuumhverfi þar sem allt starfsfólk nýtur virðingar, jafnræðis og sanngjarnrar meðferðar.

• Við liðum hvorki áreitni né ofbeldi. Við leggjum áherslu á öruggt, virðingarríkt og heilbrigt vinnuumhverfi þar sem starfsfólk getur sinnt störfum sínum án ótta við einelti, áreitni eða ofbeldi af nokkru tagi.

• Við styðjum jafnvægi milli vinnu og einkalífs. Við leggjum áherslu á sveigjanleika þar sem það á við og vinnum að því að auðvelda starfsfólki að samræma vinnu og einkalíf.

 

Jafnréttisáætlun Hnits var jafnframt samþykkt af  Jafnréttisstofu í september 2025.

 

 

ÖRYGGISSTEFNA

Hjá Hnit Artelia lítum við á öryggi, heilbrigði og vellíðan starfsfólks sem grundvallarforsendu árangurs í starfsemi okkar. Við viljum skapa vinnuumhverfi þar sem starfsfólk getur unnið af öryggi, tekið upplýstar ákvarðanir til verndar heilsu sinni og öryggi og komið heil heim að loknum vinnudegi. Við skuldbindum okkur til að koma í veg fyrir vinnuslys og vinnutengt heilsutjón, uppfylla gildandi lagakröfur og aðrar bindandi kröfur og vinna markvisst að stöðugum umbótum á vinnuverndar- og öryggisstjórnun fyrirtækisins. Til að styðja við það leggjum við áherslu á eftirfarandi:

 

• Við sköpum öruggt og heilsusamlegt vinnuumhverfi. Við leggjum áherslu á að starfsfólk hafi aðgang að öruggum vinnuaðstæðum, nauðsynlegum úrræðum og stuðningi til að sinna störfum sínum á öruggan og ábyrgan hátt.

• Við eflum þekkingu og öryggisvitund starfsfólks. Við kynnum öryggismál fyrir nýju starfsfólki og stuðlum að því að allir starfsmenn hafi þá vitund og hæfni sem þarf til að greina hættur, bregðast við áhættu og vinna samkvæmt öruggum vinnubrögðum.

• Við greinum og stjórnum áhættu áður en hún veldur tjóni. Við metum reglulega áhættur sem geta haft áhrif á öryggi og heilsu starfsfólks, skráum þær og grípum til viðeigandi aðgerða til að draga úr eða koma í veg fyrir hættur.

• Við vinnum samkvæmt samþykktum verklagsreglum og góðum öryggisvenjum. Við gerum skýrar kröfur um örugg vinnubrögð og leggjum áherslu á að öryggissjónarmið séu hluti af skipulagningu, undirbúningi og framkvæmd verkefna.

• Við tryggjum að viðurkenndur hlífðar- og öryggisbúnaður sé tiltækur og notaður þegar við á. Við leggjum áherslu á að búnaður sé aðgengilegur, viðhaldið og endurnýjaður eftir þörfum til að vernda starfsfólk og stuðla að öruggum vinnustað.

• Við hvetjum til þátttöku og samráðs í öryggismálum. Við trúum því að besta leiðin til að skapa öruggari vinnustað sé að virkja þekkingu, reynslu og ábendingar starfsfólks. Við hvetjum starfsfólk til að taka virkan þátt í öryggisstarfi, benda á úrbótatækifæri og leggja sitt af mörkum til jákvæðrar öryggismenningar.

• Við leitum stöðugt leiða til að bæta öryggi og vinnuvernd. Með reglulegu mati, eftirfylgni, lærdómi af reynslu og stöðugum umbótum þróum við vinnuverndar- og öryggisstjórnunarkerfið áfram til að styrkja öryggismenningu og árangur fyrirtækisins til framtíðar.