VEGHÖNNUN
Hönnun og ráðgjöf á sviði samgöngutækni eru meðal veigamestu þátta fyrirtækisins og vegur þar þyngst vega- og gatnahönnun, ásamt hönnun tengdra mannvirkja. Stærsta veghönnunarverkefni Hnits í vegagerð var hönnun á tvöföldun Reykjanesbrautar milli Hafnarfjarðar og Njarðvíkur árin 2001 - 2003, alls 23km. Aðrir stærri vegir sem Hnit hefur hannað á síðari árum eru t.d. nýr Arnarnesvegur frá Reykjanesbraut til Fífuhvammsvegar, Tunguvegur í Mosfellsbæ, færsla Sæbrautar um Laugarnes og svo mætti áfram telja. Hnit sá um forhönnun Hvalfjarðarganga og voru alútboðsgögn unnin á Hnit. Eftir mikinn samdrátt í vegagerð hérlendis hin síðari ár hefur Hnit unnið að hönnun stórra vegaverkefna í Noregi í samstarfi við þarlenda aðila.
Hnit hefur yfir að ráða öflugum hugbúnaði í veghönnun. Aðallega er notast við Novapoint frá Vianova í Noregi. Einnig er notast við hugbúnaðinn Autoturn til umferðargreininga á götum og vegum.
Til útreikninga á umferðarhávaða notar fyrirtækið forritið SoundPlan, en það er einn öflugasti hugbúnaður sem völ er á til hljóðútreikninga.
Hnit sá um forhönnun, verkhönnun og gerð útboðsgagna á tvöföldum Arnarnesvegi frá Reykjanesbraut að Fífuhvammsvegi á árunum 2008-2009. Árið 2014 verkhannaði Hnit veginn með 2 akreinum.
Hnit sá um forhönnun, verkhönnun og gerð útboðsgagna ásamt útreikningum á hljóðstigi og hönnun hljóðvarna á svæðinu vegna færslu Sæbrautar árin 2005-2006.
Hnit sá um forhönnun, verkhönnun og gerð útboðsgagna fyrir verkið. Auk vegagerðar voru hannaðar brýr og undirgöng. Einnig var unnin greining á umferðarhávaða.
Hönnunin fór fram á árunum 2013 - 2014.
Hnit sá um forhönnun, verkhönnun og gerð útboðsgagna fyrir tengingu Reykjavíkur við Hringveginn. Auk vegagerðar var hönnuð brú yfir Vesturlandsveg. Hönnunin fór fram árin 2004-5.
Hnit sá um forhönnun, verkhönnun og gerð útboðsgagna fyrir tvöföldun vegarins frá Hafnarfirði að Njarðvík. Auk vegagerðar voru hannaðar 16 brýr á leiðinni. Hönnunin fór fram á árunum 2001-3.