Árið 2011 hannaði Hnit stækkun og breytingar nokkurra bygginga í verksmiðju ÍSAL í Straumsvík.

 

Um var að ræða viðbyggingu á mötuneyti starfsmanna í Kerskálum, stjórnhýsi í skautsmiðju og nýjan kæligang fyrir forskaut.

 

Mötuneytið er byggt á annari hæð á staðsteyptum súlum og bitum en forsteyptu gólfi. Veggir og þak eru að mestu leyti stálgrind. Nýtt loftræsikerfi var hannað fyrir mötuneytið í stað eldra kerfis.

 

Nýtt stjórnhýsi í skautsmiðju er byggt úr forsteyptum einingum sem púsla þurfti utan um eldri mannvirki af mikilli nákvæmni.

 

Kæligangurinn er 20m breið stálskemma sem reist er á forsteyptu gólfi á annari hæð. Steypta burðarvirkið undir gólfinu var einnig stækkað í tengslum við nýja kæliganginn.