Krikaskóli er um 2000 m2 leik- og grunnskóli í Mosfellsbæ. Skólinn, sem er tveggja hæða steinsteypt bygging með þakvirki úr límtré, var reistur í einum áfanga.

 

Krikaskóli tók til starfa snemma árs 2010. Skólinn er ætlaður leikskólabörnum á aldrinum tveggja til fimm ára og grunnskólabörnum á aldrinum sex til níu ára.

 

Skólastarf Krikaskóla byggir á hugmyndum Bræðings og skólastefnu Mosfellsbæjar um heildstætt uppeldis- og skólastarf í leik- og grunnskólum. Með því er átt við að kennsla, leikur, frístundastarf og skóladagvist barna sé samþætt í heild.