Á árunum 2014-2016 hannaði Hnit burðarþol, lagnir og loftræsingu hótelbyggingar Reykjavík Konsúlat Hótel á reitnum sem afmarkast af Pósthússtræti, Tryggvagötu og Hafnarstræti, alls að stærð 4.100 m².

 

Hafnarstræti 17 er gamalt timburhús með hlöðnum kjallara. Kjallarinn var styrktur og síkkaður en skipt var um burðarvirki í timburhúsinu. Nýtt burðarvirki er úr timbri og stáli.

 

Hafnarstræti 19 hýsti áður Rammagerðina og er eitt af kennileitum Reykjavíkur. Byggingin uppfyllti ekki nútíma kröfur til hljóðvistar, brunavarna og burðarþols í jarðskjálfta. Steypa og járn reyndust einnig ónýt og var því farin sú leið að rífa bygginguna og reisa nýja með sama útlit. Arkitektar eru THG.