Um er að ræða nýjan 1900 m langan veg sem tengir Leirvogstungu við eldri hluta Mosfellsbæjar.

Að sunnanverðu liggur vegurinn frá Skeiðholti og Skólabraut yfir Varmá og Kölduvísl og svo meðfram nýlegu hverfi í Leirvogstungu þaðan sem hægt er að komast inn á Vesturlandsveg.

 

Þar sem vegurinn þverar Varmá og Köldukvísl eru brýr úr forsteyptum veggeiningum og kúluplötum. Það mun vera í fyrsta skipti á heimsvísu sem kúluplötur eru notaðar við brúargerð. Kúluplötur henta vel í stuttar brýr þar sem æskilegt er að nýta plötuvirkni til þess meðal annars að halda plötuþykkt í lágmarki. Með þynnra brúargólfi getur vegurinn yfir brúna legið neðar í landinu án þess að það komi niður á legu göngustíga sem dæmi. Óhætt er að segja að vel hafi tekist til með brýrnar á Tunguvegi. Brýrnar eru grundaðar á endaberandi steyptum staurum með steyptum akkerum.