FRAMKVÆMDARÁÐGJÖF
Hnit hafði framkvæmdaeftirlit með byggingu Búðarhálsvirkjunar á árunum 2010-2014 í samstarfi við starfsmenn Landsvirkjunar.
Hnit hefur framkvæmdaeftirlit með gerð Norðfjarðarganga 2012-2017.
EFTIRLIT OG ÚTBOÐ MALBIKSFRAMKVÆMDA
Hnit hefur séð um eftirlit og útboð vegna malbiksframkvæmda af ýmsum stærðum og gerðum.
Hnit hafði umsjón og eftirlit með framkvæmdum við gerð göngu- og hjólabrúar yfir Breiðholtsbraut frá Seláshverfi í Norðlingaholtshverfi og gerð aðliggjandi stíga. Verkið var unnið árin 2014-2015.
Framkvæmdaráðgjöf er stór þáttur í starfsemi Hnits. Þar er til dæmis um að ræða umsjón og eftirlit með mannvirkjagerð, verkefnastjórnun og áætlanagerð.
Starfsmenn Hnits hafa víðtæka reynslu, sem þeir hafa öðlast í stórum og smáum verkefnum á þessu sviði á vegum sveitarfélaga, ríkisfyrirtækja og einkaaðila. Starfsmenn fyrirtækisins hafa komið að fjölmörgum gatna- og vegagerðarverkefnum ásamt undirgöngum og brúarmannvirkjum, lagna- og fráveitumannvirkjum og ýmsum byggingar- og viðhaldsverkefnum, m.a. viðhaldi á skrifstofu- og íbúðarhúsnæði. Einnig hafa starfsmenn Hnits komið að mörgum stærri virkjanaframkvæmdum sem unnin hafa verið á síðustu árum.
Hnit hefur hannað, gert útboðsgögn, og haft umsjón og eftirlit með endurgerð ýmissa gatna í miðbæ Reykjavíkur á undanförnum árum.
KRINGLUMÝRARBRAUT - STÍGAGERÐ OG VEITUR
Hnit hafði umsjón og eftirlit með lagnavinnu og stígagerð meðfram Kringlumýrarbraut milli Laugavegar og Miklubrautar árið 2015.
Hnit hefur séð um ástandskönnun og eftirlit vegna viðhalds á íbúðarhúsnæði fyrir einstaklinga og húsfélög.
HLÍÐARENDI - JARÐVINNA 1. ÁFANGI
Hnit hafði umsjón og eftirlit með jarðvinnu, lagnavinnu og yfirborðsfrágangi vegna 1. áfanga á Hlíðarendasvæðinu árið 2015.
Hnit hefur framkvæmdaeftirlit með gerð vegslóða, jarðvinnu og undirstöðum fyrir Suðurnesjalínu 2 milli Hraunhellu í Hafnarfirði og Rauðamels.
Verklok eru áætluð í lok september 2016.