KLETTASKÓLI Í REYKJAVÍK
Eftirlit með byggingu 3.400 m² viðbyggingu við Klettaskóla
í Reykjavík. Í viðbyggingunni er íþróttaaðstaða og sundlaugar.
Á sama tíma var unnið að stórfelldum endurbætum á eldra húsnæði og því breytt til að henta betur starfsemi skólans.
Framkvæmdakostnaður: 2.9 milljarðar króna.
GÖNGUBRÚ YFIR BREIÐHOLTSBRAUT
Umsjón og eftirlit með framkvæmdum við gerð 70 m göngu- og hjólabrúar yfir Breiðholtsbraut sem tengir saman Seláshverfi við Norðlingaholtshverfi. Einnig voru lagðir stígar og leiksvæði og landsvæði endurgert. Verkið var unnið árin 2014-2015.
Framkvæmdakostnaður: 220 milljónir kr.
KRINGLUMÝRARBRAUT - STÍGAGERÐ OG VEITUR
Umsjón og eftirlit með lagnavinnu og stígagerð meðfram Kringlumýrarbraut milli Laugavegar og Miklubrautar árið 2015. Verkið fólst í gerð hjólastígs auk beygjurein og lagningu 600mm ductile stofnlagnar vatnsveitu ásamt fjölpípustofn og brunna.
Framkvæmdakostnaður: 100 milljónir kr.
KÁRAHNJÚKAVIRKJUN
Hnit var hluti af samstarfi verkfræðistofa um framkvæmdaeftirlit með byggingu Kárahnjúkavirkjunar á árunum 2003-2008. Hnit sá einnig um útboð og eftirlit á frágangsverkum 2009-2010.
Hér má nálgast meira um það verkefni.
Framkvæmdakostnaður 130 milljarðar kr.
SKARFABAKKI, 2. ÁFANGI
Umsjón og eftirlit með lagnavinnu og fullnaðarfrágangi á yfirborði Skarfabakka ásamt gatnagerð á árunum 2013-2014.
Framkvæmdakostnaður 200 milljónir kr.
KRIKASKÓLI - MOSFELLSBÆ
Eftirlit með byggingu 2.000 m² leik- og grunnskóla í Mosfellsbæ ásamt hönnunarstjórnun á seinni stigum framkvæmdarinnar á árunum 2008-2010. Skólinn er tveggja hæða steinsteypt bygging með þakvirki úr límtré og var reistur í einum áfanga.
Framkvæmdakostnaður 1 milljarður kr.
GATNAGERÐ UMHVERFIS HÁSKÓLANN Í REYKJAVÍK
Umsjón og eftirlit með framkvæmdum við gatnagerð umhverfis Háskólann í Reykjavík árin 2007-2010. Um er að ræða Nauthólsveg, Menntaveg og Menntasveig ásamt bílastæðum, stígum og frágangi við Háskólann.